युवाहरुको नेतृत्व विकास तालिम शुरु
धनगढी । सुदुरपश्चिमका युवाहरुको नेतृत्व क्षमता विकास सम्बन्धी २ दिने तालिम धनगढीमा शुरु भएको छ । नेपाल सरकार युवा तथा खेलकुृद मन्त्रालय, राष्ट्रिय युवा परिषदको आयोजनामा तालिम शुरु भएको हो ।
तालिमको बुधबार राष्ट्रिय युवा परिषदका कार्यकारी उपाध्यक्ष माधव ढुंगेलले उद्घाटन गरे । उनले समृद्ध नेपालका लागि स्वाथ्य कर्मठ र उद्यमी तथा वडास्तरीय युवा क्ल्बका पदाधिकारी तालिममा सहभागी रहेको बताए । ढुंगेलले युथ भिजन २०२५ लाई कार्यान्वयन गराउने उदेश्यले तालिमको आयोजना गरिएको बताए ।
कैलाली जिल्ला युवा परिषदका अध्यक्ष शम्भु कुँवरको अध्यक्षतामा भएको कार्यक्रममा युवा परिषदकी केन्द्रीय सदस्य अनिता ढुंगानाले कार्यक्रम बारे जानकारी गराइन् । तालिममा सुदुरपश्चिमका ९ वटै जिल्लाका ११ वटा स्थानीयका वडास्तरीय युवाक्लबहरुको सहभागिता रहेको छ । तालिममा बाजुराका युवा परिषदका अध्यक्ष युवराज शाही, नेपाल पत्रकार महाँसंघ कैलालीका अध्यक्ष जगत साउँदले शुभकामना मन्तव्य राखेका थिए ।
