१५ फाल्गुन २०८०, मंगलवार

भुवा पर्व संरक्षणको प्रयास सकरात्मक



भुवा पर्व मौलिक पर्व हो । यो पर्व सुदूरपश्चिमका पहाडी जिल्ला बाजुरा, बझाङ र अछाममा बढी बनाइन्छ । पहाडमा गहुँ उम्रिने र कामकाजी मानिसहरु फुर्सदिलो भएका बेला मनाइने यो पर्वले आपसी सम्वन्ध सुदृढ बनाउन पनि मद्धत पुग्छ ।

भुवो पर्वको महत्व निक्कै ठूलो भए पनि यसको उद्गम थलो मानिने पहाडी क्षेत्रमा यसको रौनक विगतका वर्षको तुलनामा कम हुँदै गएको छ । खास गरेर भुवो खेल्ने पुरानो पुस्ता नरहनु, नयाँ पुस्ता मात्र होइन पुरुषहरु नै रोजगारीका नोपलका विभिन्न शहर, भारत र भारतबाहेक मुलुकसम्म जाने हुनाले पनि यसको रौनक कम भएको हो । त्यसैमा भुवोमा प्रयोग हुने ढाल, तरवार र पोशाक बनाउनेहरुको पनि अभाव हुँदै गएको छ ।

यस्ता विभिन्न खालका समस्याका बाबजुद पनि पहाडी जिल्लाका फाटफुटरुपमा भुवो खेलिएको खवर आइरहेका छन् । यही बेला बाजुराबाट बसाईसराइ गरेर आएकाले धनगढीको रंगशालामा भुवा पर्व मनाइरहेका छन् । भुवो उद्गम थलो पहाडमा लुप्त हुने अवस्थामा पुगेको यो पर्वलाई संरक्षण गर्ने गरेर बजुरेली समाजले यो पर्व भव्यरुपमा मनाउनु सकरात्मक प्रयास हो । सुदूपश्चिमका प्रदेश प्रमुखले प्रेदेश सरकार र प्रदेश सभामा रहेकाहरुले समेत यो पर्वलाई महत्व दिदै आउनु भएको छ यो नि सकरात्मक काम हो । यो पर्व मनाउन कैलाली र कञ्चनपुरका गाउँगाउँबाट सर्वसाधारण धनगढी ओर्लिनु यो पर्वको महत्व र लोकप्रियताको अन्दाज गर्न सहज हुन्छ ।

भुवोको संरक्षणका लागि स्थानीय सरकारहरु जिम्मेवार हुन पनि जरुरी छ । तराइका जिल्लामा थारु समुदायको महान पर्व माघी पर्व जोगाउन स्थानीय सरकारले राम्रो प्रयास गरेका छन् । पहाडमा भने भुवोका दिन विदा गरिएको बाहेक भुवो जोगाउन गतिलो पहलकदमी भएको पाइदैन । त्यसैले महाभारतसंग समेत जोडिएको भुवो पर्व जोगाएर हाम्रा सन्ततीले थाहा पाउने गरेर जोगाउनका लागि सबैको प्रयास हुनुपर्छ । प्रदेश सरकारले पनि भुवोमा विदा दिने बाहेक अरु काम गरेको पाइदैन त्यसैले प्रदेश सरकारले पनि भुवोको संरक्षणमा ध्यान देओस ।

आगामी दिनमा यो पर्व अझ फैलिने वातावरण बनाउन जनता, वडा सरकार, स्थानीय तहका सरकार र प्रदेश सरकार क्रियाशिल रहुन । बजुरेली समाज कैलाली पनि यो पर्व जोगाउन अझ दोब्बर सक्रिय होस । भुवा पर्वको शुभकामना ।

प्रतिक्रिया दिनुहोस्
विशेष समाचार