युवक मृत अवस्थामा फेला

कञ्चनपुर । कञ्चनपुरको वेदकोट नगरपालिकाको सामादैजी नजिक पूर्व–पश्चिम राजमार्गमा करिब २२ वर्षीय युवकको शव फेला परेको छ । सडकमै शव देखेपछि स्थानीयले सोमबार बिहान प्रहरीलाई खबर गरेका हुन् ।
युवकको बाया कन्चटमा खोस्रिएको जस्तो घाउ देखा परेकाले सवारी साधानको ठक्कर दिएको हुनसक्ने आशंंका गरेको इलाका प्रहरी कार्यालय झलारीका प्रहरी निरिक्षक रमेशदत्त अवस्थीले बताए ।
प्रहरी निरीक्षक अवस्थीका अनुसार ती युवक दैजी क्षेत्रमा देखा परेको र सुस्तमनस्थितिको रहेका थिए । मृतकको सनाखत हुन सकेको छैन । शव परिक्षणका लागि महाकाली अञ्चल अस्पतालमा लगिएको छ ।