बर्दगोरिया स्रोतकेन्द्र स्तरीय खेलकुद प्रतियोगिता शुरु

बौनिया । कैलालीको बर्दगोरिया गाउँपालिकामा सामुदायिक विद्यालय स्तरीय खेलकुद प्रतियोगिता बुधबारदेखि शुरु भएको छ ।
बर्दगोरिया गाउँपालिका स्रोतकेन्द्रको आयोजनामा भएको प्रतियोगिताको गाउँपालिका अध्यक्ष बलिराम चौधरीले एक कार्यक्रमबीच उद्घाटन गरे ।
सो अवसरमा गाउँपालिका उपाध्यक्ष भगवती डंगौराथारू, स्रोतकेन्द्र प्रधानाध्याक भूमिप्रकाश बम, सडकपुर बौनिया बजार व्यवस्थापन समितिका अध्यक्ष रूपक सुनार, शिक्षा शाखा प्राविधिक सहायक निरिखनन्दन लालकर्ण, विद्यालय निरीक्षक प्रतापसिंह धामी, मोहन्याल मावि ब्यवस्थापन समिति अध्यक्ष धिरेन्द्र जोशी, राष्ट्रिय जनमोर्चाका रूपा आलेमगर, नेपाली कांग्रेस बर्दगोरिया सभापति गणेश शाही, नेकपाका डिलबहादुर बिक, वडाध्यक्षहरू जयरूप खतिवडा, भिखु चौधरी र कर्ण सुनार, शिक्षा संयोजक गोमा विक लगायतले शुभकामना मन्तव्य व्यक्त गरेका थिए ।
कार्यक्रम वसन्तमुरारी विद्यालय व्यवस्थापन समिति अध्यक्ष टंकबहादुर कुँवरको अध्यक्षतामा भएको थियो ।
खेलकुद प्रतियोगितामा गाउँपालिकाका प्राथमिक, आधारभूत र माध्यामिक गरी १७ वटा सामुदायिक विद्यालयको सहभागिता रहेकोे छ ।