ग्यालेक्सीको वार्षिकोत्सव

धनगढी । धनगढी उपमहानगरपालिका वडा नम्बर ५ स्थित ग्यालेक्सी माध्यामिक विद्यालयले बुधबार २५ औं वार्षिकोत्सव तथा रजतजयन्ती मनाएको छ ।
वार्षिकोत्सवको प्राध्यापक डाक्टर हेमराज पन्तले उद्घाटन गरे । कार्यक्रम विद्यालयका संस्थापक जीवनाथ जैशीको अध्यक्षतामा भएको थियो ।
कार्यक्रममा धनगढी उपमहानगरपालिका वडा नम्बर ं५ का वडाध्यक्ष हिरासिंह पातली, कैलाली जिल्ला खेलकुद विकास समितिका अध्यक्ष दीपकबहादुर सिंह, कैलाली बहुमुखी क्याम्पस प्रमुख डाक्टर पदमराज जोशी, पूर्व सांसद महेश्वर पाठक, नाष्ट क्याम्पस प्रमुख शिवहरि शर्मा मुडभरी, नवजीवन अस्पतालका कार्यकारी निर्देशक विदुरमणि ढकाल लगायतले शुभकामना मन्तव्य व्यक्त गरेका थिए ।
कार्यक्रममा विभिन्न विद्यामा उत्कृष्ट छात्र÷छात्रालाई पुरस्कार तथा प्रमाणपत्र वितरण गरिएको थियो । सो अवसरमा विद्यालयमा स्थापनाकालदेखि कार्यरत प्रशासन प्रमुख केशवप्रसाद जोशी, शिक्षक धर्मराज ओझा, शिक्षिका वसन्ती चन्द, शिक्षिका कामना शाह, शिक्षक घनश्याम भट्टलाई जनही पाँच हजार रुपैयाँ तथा सम्मानपत्र प्रदान गरियो ।
यसैगरी प्लसटुका विद्यार्थीहरूको संस्था ग्यालेक्सी परोपकार फाउन्डेसनका तर्फवाट अत्तरियामा रहेको सुदूरपश्चिम समावेसी विद्यालयलाई दश हजार रुपैयाँ मूल्य बराबरको स्टेशनरी र खाद्यान्न प्रदान गरिएको थियो ।