सांसद रानाद्वारा पूलको सिलन्याल

धनगढी । धनगढी उपमहानगरपालिकाको वडा नम्बर १ र २ को बीचमा पर्ने जोशीटोलको नालामा बन्ने पूलको मंगलबार प्रतिनिधिसभा सांसद नारदमुनी राना र नगरप्रमुख नृपबहादुर वडले सिलन्यास गरेका छन् ।सांसद रानाले विकासमा कुनै किसिमको राजनिति नगर्न म आग्रह गर्दछु । पूलको कामले निरन्तरता पाउने गरी सिलन्यास गरिएको नगरप्रमुख नृपबहादुर वडले बताए । उनले सिलन्यास भएकाले काम कस्तो भइरहेको छ त्यसको निगरानी स्थानीयले गर्नु बताए ।
पूलको यहि आर्थिक वर्षको असार मसान्तसम्म निर्माण गरिसक्नुपर्ने गरी सिलन्यास भएको धनगढी उपमहानगरपालिका प्रवक्ता सन्तोष मुडभरीले बताए । प्रवक्ता मुडभरीका अनुसार पूलको लम्बाई ७० मिटर रहेको छ ।