टिप्परको ठक्करबाट एकको मृत्यु

धनगढी । टिप्परको ठक्करबाट धनगढीमा एक जनाको मृत्यु भएको छ । प्रहरीका अनुसार टिप्परको ठक्करबाट धनगढी उपमहानगरपालिका वडा नम्बर ६ का ६७ वर्षीय दुर्गाप्रसाद जोशीको मृत्यु भएको हो ।
उनलाई से १ क ६७२ नम्बरको टिप्परले ठक्कर दिएको थियो । जिल्ला प्रहरी कार्यालयका अनुसार टिप्परको ठक्करबाट गम्भीर घाइते जोशीको सेती अञ्चल अस्पतालमा उपचारका क्रममा मृत्यु भएको थियो ।
जिल्ला प्रहरी कार्यालयका प्रवक्ता एवं प्रहरी नायव उपरीक्षक हरिबहादुर ओलीले टिप्पर र गौरीगंगा नगरपालिका वडा नम्बर ६ वनवेहडा बस्ने टिप्पर चालक अशोक चौधरीलाई नियन्त्रणमा लिएर कारवाही अघि बढाइएको बताए ।