जेष्ठ नागरिकलाई न्यानो कपडा वितरण

सुखड । कैलालीको वर्दगोरिया गाउँपालिका ज्येष्ठ नागरिकहरुलाई शुक्रबार न्यानो कपडा वितरण गरिएको छ ।
वर्दगोरिया गाउँपालिका वडा नम्बर ६ ले आर्थिक वर्ष २०७५/०७६ को लक्षित समुह विकासतर्फ विनियोजित रकमबाट सो काम गरेको जनाइएको छ ।
चिसोमा ज्येष्ठ नागरिकहरु बढी जोखिममा हुने भएकाले न्यानो कपडा वितरण गरिएको वडा अध्यक्ष रामकृष्ण डंगोरा थारुले बताए । उनका अनुसार ६३ महिला र ७२ जना पुरुष गरि एक सय ३५ जनालाई सो न्यानो कपडा वितरण गरिएको हो ।