दुर्घटनामा एकको मृत्यु, चार घाइते

धनगढी । कैलालीको गौरीगंगा नगरपालिका वडा नम्बर ९ शंकरपुरस्थित महेन्द्र राजमार्गमा बस र स्कार्पियो एकापसमा ठोक्किदा एक जनाको मृत्यु भएको छ भने तीन जना घाइते भएका छन् ।टीकापुरबाट धनगढी आइरहेको से १ च ५७५ नम्बरको स्कार्पियोलाई पूर्वतिर गइरहेको न ५ ख ७८७९ नम्बरको बसले ठक्कर दिँदा स्कार्पियोमा सवार धनगढी उपमहानगरपालिका–७ का जानकी रानाको मृत्यु भएको हो ।
त्यस्तै, धनगढी उपमहानगरपालिका–७ का हरिद्वारी राना, लखिमपुर सुडा ग्रामपञ्चायत छिविया गाउँ भारतका भोली राना र चमरु राना घाइते भएका छन् । हरिद्वारीको अवस्था गम्भीर रहेको जिल्ला प्रहरी कार्यालयले जनाएको छ । घाइतेहरूको सेती अञ्चल अस्पताल धनगढीमा उपचार भइरहेको छ ।