प्रशिक्षक प्रशिक्षण तालिम

धनगढी । धनगढी कलेज अफ इन्फरमेशन टेक्नोलोजी प्रालिद्वारा सञ्चालित प्रशिक्षक प्रशिक्षण तालिम समापन भएको छ ।
कार्यक्रमको सुदूरपश्चिम प्रदेशका आर्थिक मामिला तथा योजनामन्त्री झपटबहादुर वोहराले उद्घाटन गरेका थिए ।
सो अवसरमा मन्त्री बोहराले प्रत्येक व्यवसायीले मिशन र भिजन सहित प्रतिवद्ध भएर लागेमा व्यवसाय सफल हुने चर्चा गरे । उनले सुदूरपश्चिम प्रदेश सरकारले एक करोड रुपैयाँ छुट्याएर स्वरोजगार कार्यक्रम शुरु गर्ने तयारी गरेको बताए ।
कार्यक्रममा शिक्षाविद् प्राध्यापक डाक्टर हेमराज पन्तले उद्यमशीलताले व्यक्तित्व, समाज, राष्ट्रमा विकास गर्न सकिने बताए ।
कलेजका अध्यक्ष महेशकुमार चौधरीको अध्यक्षतामा भएको कार्यक्रममा नरेन्द्र वोहराले स्वागत गरेका थिए । तालिममा दिलिप थापाले प्रशिक्षण दिएका थिए ।