मंसिरमा फारवेष्ट पशुपति कप हुँदै

धनगढी । धनगगढीमा आगामी मंसिरको दोस्रो साता चौथो फारवेष्ट पशुपति कप फुटवल हुने भएको छ । फारवेष्ट पशुपति युवा क्लवको आयोजनामा मंसिर १४ गतेदेखि प्रतियोगिता शुरु हुने शुक्रबार धनगढीमा आयोजित पत्रकार सम्मेलनमा जानकारी दिइयो ।
पत्रकार सम्मेलनमा क्लवका अध्यक्ष खेमबहादुर रावतले प्रतियोगिताका लागि आवश्यक तयारी भइरहेको बताए ।
अध्यक्ष रावतका अनुसार यस पटकको फारवेष्ट पशुपति कपमा १६ वटा टीम सहभागी हुनेछन् । प्रतियोगिताको विजेताले चार लाख र उपविजेताले दुई लाख रुपैयाँ पुरस्कार प्रदान गरिने छ ।
क्लवका कोषाध्यक्ष दीपेश खड्काका अनुसार प्रतियोगितामा उत्कृष्ट खेलाडीलाई १५ हजार तथा अन्य विधाका उत्कृष्ट खेलाडीलाई जनही १० हजार रुपैयाँ पुरस्कार प्रदान गरिनेछ । उनले प्रतियोगिता सञ्चालनमा करिब ४७ लाख रुपैयाँ खर्च हुने अनुमान रहेको बताए ।