पुरुष भलिवलमा पञ्चवली विजयी

धनगढी । कैलालीको चुरे गाउँपालिकामा भएको पुरुष भलिवल प्रतियोगितामा पञ्चवली सामुदायिक वन विजेता बनेको छ ।
सामुदायिक वन उपभोक्ता महासंघ, चुरे गाउँपालिकाको आयोजनामा भएको भलिवल प्रतियोगिताको बिहीबार भएको अन्तिम खेलमा पञ्चवलीले दुर्गादेवी सामुदायिक वनलाई हराएर विजेता बन्यो ।
विजेता पञ्चवलीले ३० हजार रुपैयाँ पुरस्कार प्राप्त गर्‍यो भने उपविजेता दुर्गादेवीले २० हजार रुपैया पुरस्कार प्राप्त गरेको थियो ।
प्रतियोगितामा गुप्तपानी सामुदायिक वन उपभोक्ता समुहले तेस्रो स्थान प्राप्त गर्‍यो । गुप्तापनीले १० हजार रुपैया पुरस्कार प्राप्त गरेको थियो ।
प्रतियोगितामा पञ्चवलीका सुनिल सिंह उत्कृष्ट खेलाडी घोािषत भए ।
प्रतियोगिता समापनका अवसरमा चुरे गाउँपालिकाका अध्यक्ष धनबहादुर रोक्कामगर, उपाध्यक्ष दीपा साउद, समाजसेवी डिल्लीराज भट्ट लगायतले पुरस्कार, मेडल तथा प्रमाणपत्र वितरण गरेका थिए ।