अविरल वर्षापछिका कारण १० काे ज्यान गयाे
काठमाडाैं । अविरल वर्षापछिको बाढी-पहिरोका कारण शनिबार र आइतबार गरी १० जनाले ज्यान गुमाएका छन्। बाढी-पहिरोबाट ८ जिल्लामा मानवीय क्षति भएको गृह मन्त्रालयले जनाएको छ।
मन्त्रालयका प्रवक्ता रामकृष्ण सुवेदीका अनुसार, चितवन, बाँके, रोल्पा, कैलाली, सिन्धुली र काठमाडौंमा मानवीय क्षति भएको हो। सोमबार साँझसम्म १० जनाको मृत्यु भएको विवरण प्राप्त भएको उनले बताए।
‘तराईका जिल्लामा बाढीको समस्या छ भने पहाडी जिल्लामा पहिरोले क्षति पुर्याएको छ’, उनले भने।
उद्धारका लागि हेलिकोप्टर तैनाथ
उद्धारका लागि गृह मन्त्रालयले ४ ठाउँमा हेलिकोप्टर तयारी अवस्थामा राखेको छ।
सह-सचिव सुवेदीका अनुसार काठमाडौंका साथै इटहरी, पोखरा र सुर्खेतमा नेपाली सेनाको हेलिकोप्टर तयारी अवस्थामा राखिएको छ।
७७ जिल्लामै प्रशासन तथा सुरक्षाकर्मीलाई वर्षाका कारण हुनसक्ने प्राकृतिक प्रकोप विरुद्ध सतर्क रहन निर्देशन दिइएको गृह मन्त्रालयले जनाएको छ।
सम्बन्धित समाचार
उपमहानगर डुवान भएका बस्तीको पानी निकास गर्दै
