ग्यालेक्सी माविको वार्षिकोत्सव

धनगढी । कैलालीको धनगढीमा रहेको ग्यालेक्सी माध्यामिक विद्यालयले मंगलबार विभिन्न कार्यक्रमसहित २४ औं वार्षिकोत्सव तथा अभिभावक दिवस मनाएको छ ।
कार्यक्रमको सिद्धनाथ विज्ञान कलेजका सहप्राध्यापक मानदेव भट्टले उद्घाटन गरेका थिए । कार्यक्रम विद्यालय व्यवस्थापन समितिका अध्यक्ष जीवनाथ जैशीको अध्यक्षतामा भएको थियो ।
कार्यक्रममा पूर्व सांसद महेश्वर पाठक, नाष्ट कलेजका क्याम्पस प्रमुख शिवहरी मुडभरी, धनगढी माविका प्राचार्य लक्ष्मणदत्त भट्ट, नवजीवन सहकारी संस्थाका महाप्रबन्धक मोहनराज भट्ट लगायतले शुभकामना मन्तव्य व्यक्त गरेका थिए ।
विद्यालयकी शिक्षिका वसन्ती चन्दले स्वागत गरेको कार्यक्रमको सञ्चालन विद्यार्थी मुना भट्टराई, प्रतीज्ञा भट्ट, सोनिया भट्ट र सुरज भट्टराईले गरेका थिए ।
सो अवसरमा २०७३ सालको एसईई परीक्षामा उत्कृष्ट अंकसहित उत्तीर्ण छात्र निशान जोशी र छात्रा नेहा कार्कीलाई पाँच हजार रुपैयाँ पुरस्कार प्रदान गरियो ।
त्यस्तै, विद्यालयले वार्षिकोत्सवको अवसरमा आयोजना गरेको विभिन्न खेलकुद प्रतियोगिताका विजयी टिम तथा खेलाडीलाई पुरस्कृत गरिएको थियो ।