प्लाष्टिक दुर्गन्धरहित वडा अभियान

धनगढी । धनगढी उपमहानगरपालिका वडा नम्बर २ लाई प्लाष्टिक दुर्गन्धरहित वडा बनाउने अभियान शुरु भएको छ ।
‘प्लाष्टिक दुर्गन्ध रहित वडा बनाऔं, स्वच्छ जीवन बनाऔं’ भन्ने नाराका साथ नेकपा एमाले वडा नम्बर २ कमिटीले अभियान शुरु गरेको जनाएको छ ।
सो अभियान एक महिनासम्म सञ्चालन हुने जनाइएको छ ।
अभियानको पहिलो दिन मंगलबार धनगढीको चौराहबाट र्‍याली निकालिएको थियो ।
र्‍यालीमा नेकपा एमाले वडा कमिटी अध्यक्ष बिष्णु पुरी, क्षेत्रीय अध्यक्ष केशव जोशी, युवा संघ नगर अध्यक्ष विश्वास शाह, हिमशिखर बहुउद्देश्यीय सहकारी संस्थाका महेन्द्र शाही लगायतको सहभागिता रहेको थियो ।