क्यास्पियन कप क्रिकेट : कैलाली विद्या निकेतन र ऐश्वर्य विजयी

धनगढी । धनगढीमा जारी क्यास्पियन कप क्रिकेट प्रतियोगिता अन्तर्गत मंगलबार भएका खेलमा कैलाली विद्या निकेतन र ऐश्वर्य विद्या निकेतन विजयी भएका छन् । जीतसंगै दुवै टिम सेमिफाईनलमा प्रवेश गरेका छन् ।
मंगलबारको पहिलो खेलमा टस हारेर ब्याटिङको निम्तो पाएको कैलाली विद्या निकेतनले निर्धारित १० ओभरमा पाँच विकेट क्षतिमा ५७ रन बनायो । प्रतिउत्तरमा नवदुर्गा माविले नौ विकेटमा ४४ रनमा मात्र बनायो ।
दोस्रो खेलमा ऐश्वर्यल स्टोन ब्रिजलाई ६ विकेटले हराएको छ । पहिले ब्याटिङ गरेको स्टोन ब्रिजले १० ओभरमा आठ विकेट गुमाउँदै ४२ रन बनायो । ऐश्वर्यले आठौं ओभरमा चार विकेटमा लक्ष्य प्राप्त गर्‍यो ।
आज बुधबार ऐश्वर्य विद्या निकेतन र ज्ञान निकेतन स्कुलबीच तथा स्टेपिङ स्टोन र कैलाली विद्या निकेतनबीच सेमिफाइनल खेल हुने छ ।