क्यास्पियन कप क्रिकेट : बेष्ट्रन, स्टेपिङ, नवदुर्गा र कैलाली विद्या निकेतन विजयी

धनगढी । धनगढीमा जारी छैठौ क्यास्पियन कप क्रिकेट अन्तर्गत शनिबार भएका खेलमा वेष्ट्रन, स्टेपिङ, नवदुर्गा र कैलाली विद्या निकेतन विजयी भएका छन् ।
बाक्लो कुहिरोका कारण शनिबारका खेल आठ ओभरमा सिमित गरिएको थियो ।
शनिबारको पहिलो खेलमा बेष्ट्रन क्रिष्टल एकेडेमीले एरिष्टो इंगलिस स्कुललाई पराजित गर्‍यो । एरिष्टोले आठ ओभरमा ४२ रन बनाएकोमा वेष्ट्रन क्रिष्टल एकेडेमीले चार ओभर चार बलमा लक्ष्य प्राप्त गर्‍यो ।
दोस्रो खेलमा स्टेपिङ स्टोन स्कूलले शैलेश्वरी निमाविलाई हरायो । शैलेश्वरीले पहिले ब्याटिङ गर्दै ३४ रन बनाएकोमा स्टेपिङले पाचौं ओभरमा दुई विकेट क्षतीमा जित प्राप्त गर्‍यो ।
त्यस्तै अर्को खेलमा नवदुर्गा माविले क्यास्पियन एकेडेमीलाई दुई रनले हरायो । टस जितेर पहिले ब्याटिङ गरेको नवदुर्गाले ५८ रन बनाएको थियो । जवाफमा क्यास्पियन ५६ रनमा सिमित भयो ।
अर्को खेलमा कैलाली विद्या निकेतनले कैलाली मोडेललाई ३६ रनले हरायो । पहिले ब्याटिङ गरेको कैलाली विद्या निकेतनले ६० रन जोडेको थियो । जवाफमा कैलाली मोडेलले २४ रन मात्रै बनायो ।