९९ औं श्री अर्चनाबाबा शिव साधना सुरु

अनुमोदन समाचार
धनगढी, कार्तिक १८ गते । “हत्या हिंसा त्यागौं, सत्यको मार्ग पहिल्याऔं” भन्ने मूल नाराका साथ १०८ औं श्री अर्चनाबाबा शिव साधनामध्ये ९९ औं अर्चनाबाबा शिव साधना धनगढी उपमहानगरपालिका वडा नम्बर ११ घोडसुवामा सुरु भएको छ ।

श्री पिण्डेश्वर महादेव अर्धनारीश्वरी सद्गुरूदेव अर्चनाबाबा वैदिक सनातन धर्म रक्षार्थ, विश्व शान्ति एवम् जगत कल्याणका लागि यो शिव साधना आयोजना गरिएको जनाइएको छ ।

श्री अर्चनाबाबा शिव साधना कार्यक्रम आदि जगत गुरु ओम बाबाबाट आत्मा परमात्मा, होम महिमा, भक्ती भजन, जगत र जीवन, ध्यान जप तथा प्रवचन हुने छ ।

कार्यक्रममा कैलाली, कञ्चनपुर, बाके, बर्दिया, दाङ, नवलपुर, चितवन, सुर्खेत, काठमाडौं, जनकपुर, विराटनगर, विरगंज, उदयपुर, धनुषा, धरान, सुनसरी र भारतका विभिन्न स्थानबाट साधक साधिका भक्तजनहरूको उफस्थिति रहेको आयोजकले जनाएको छ ।

कार्यक्रम अगामी कात्तिक २१ गतेसम्म आयोजना हुने छ । कार्यत्रम शिव साधना विशेष अर्चनाबाबा धाम कैलाली र कञ्चनपुरको आयोजनामा भइरहेको समितिका अध्यक्ष राममिलन रानाले जानकारी दिए ।