छात्रामाथि बलात्कारको प्रयास गरेको आरोपमा शिक्षक पक्राउ

धनगढी । छात्रामाथि बलात्कारको प्रयास गरेको आरोपमा प्रहरीले एक जना शिक्षकलाई पक्राउ गरेको छ ।
कैलालीको जोशीपुर गाउँपालिका वडा नम्बर ६ स्थित रघुनाथ आदर्श उच्च माध्यमिक विद्यालयका शिक्षक नारायणप्रसाद चौधरीलाई सोही विद्यालयका एक छात्रामाथि बलात्कारको प्रयास गरेको प्रहरीको आरोप छ ।
पीडित बालिकाले दिएको लिखित उजुरीपछि शिक्षक नारायणप्रसादलाई पक्राउ गरिएको जिल्ला प्रहरी कार्यालय कैलालीका प्रहरी नायव उपरीक्षक हरिबहादुर ओलीले बताए ।
शिक्षक नारायणप्रसादले गत १८ गते राति घर पुर्‍याइ दिने भन्दै छात्रामाथि बलात्कारको प्रयास गरेको भन्दै उजुरी दर्ता भएको थियो ।