बसको ठक्करबाट एकको मृत्यु

कञ्चनपुर । कञ्चनपुरको भाँसीमा आइतबार बसको ठक्करबाट एक जनाको मृत्यु भएको छ । दुर्घटनामा बेलौरी नगरपालिका वडा नम्बर १० का ३५ वर्षीय श्रवणकुमार चौधरीको ज्यान गएको प्रहरीले जनाएको छ ।
अत्तरियाबाट महेन्द्रनगरतर्फ जाँदै गरेको नम्बर नखुलेको यात्रुवाहक बसले महेन्द्रनगरबाट झलारीतर्फ गइरहेको से ४ प ८१८८ नम्बरको मोटरसाइकललाई ठक्कर दिँदा श्रवणको घटनास्थलमै ज्यान गएको महाकाली अञ्चल अस्पतालले जनाएको छ ।
ठक्कर दिने बसको नम्बर खुल्न नसकेको र अनुसन्धान जारी रहेको जिल्ला ट्राफिक प्रहरी प्रमुख इन्सपेक्टर भरतबहादुर शाहले जानकारी दिए ।