सवारी दुर्घटनामा एकको मृत्यु

धनगढी । कैलालीको बर्दगोरिया, बौनियामा बसको ठक्करबाट बुधबार एक जनाको ज्यान गएको छ ।
कैलालीको बर्दगोरिया गाउँपालिका वडा नम्बर १ बौनिया चौकमा बसको ठक्करबाट पैदलयात्री आशाराम चौधरीको मृत्यु भएको प्रहरीले जनाएको छ ।
पश्चिमबाट पुर्व जादैं गरेको ना ६ ख ६३५५ नम्बरको पाथीभरा यातायातको बसको ठक्करबाट भजनी नगरपालिका वडा नम्बर ६ महादेउलीका आशारामको मृत्यु भएको ईलाका प्रहरी कार्यालय बौनियाका प्रहरी निरीक्षक कलेन्द्रविक्रम शाहीले जानकारी दिए ।
उता, डोटी जिल्लाको आर्दश गाउँपालिका वडा नम्बर ७ दडिमाना नजिकैको पाछाखाली वनको भिरबाट लडेर ४९ वर्षीय कालीदेवी विष्टको मृत्यु भएको छ ।
घास काटने क्रममा मंगलबार साँझ ३ बजे भिरबाट खसेर करिब एक सय मिटर तल खसेर घाइते भएकी विष्टलाई उपचारका लागि दिपायल लैजाँदै गर्दा बाटोमा मृत्यु भएको स्थानीय वीरबहादुर विष्टले जानकारी दिए ।