पत्रकार अभिमुखीकरण कार्यक्रम
धनगढी । परिवर्तित शासकीय संरचनाका सन्दर्भमा मिडियाको भूमिकाबारे धनगढीमा आइतबार अभिमुखीकरण कार्यक्रम भएको छ ।
सञ्चार प्रतिष्ठान नेपाल, कैलालीको आयोजनामा भएको अभिमुखीकरण कार्यक्रममा धनगढीका ३० जना पत्रकारहरूको सहभागिता रहेको थियो । 
कार्यक्रममा नेपाल पत्रकार महासंघका पूर्व केन्द्रीय अध्यक्ष धर्मेन्द्र झाले सहजीकरण गरेका थिए ।
अभिमुखीकरण कार्यक्रम संस्थाका अध्यक्ष प्रकाशबिक्रम शाहको अध्यक्षतामा भएको थियो ।
कार्यक्रममा नेपाल पत्रकार महासंघका पूर्व उपसभापति उमिदप्रसाद बागचन्द, महासंघका प्रदेश अध्यक्ष अर्जुन शाहले मन्तव्य व्यक्त गरेका थिए ।
