दुर्घटनामा १५ जना घाइते

धनगढी । कैलालीको जानकी गाउँपालिका वडा नम्बर ९ मृतैयाबाट वनभोजका लागि खानीडाँडा जाने क्रममा गौरीगंगा नगरपालिकाको चौमालामा दुर्घटना भएको छ ।
सुदूरपश्चिम यातायातको ना ५ ख ५३० नम्बरको बस दुर्घटना हुदा १५ जना घाईते भएका छन । घाइते मध्ये ६ जनाको अत्तरियास्थित पदमा अस्पतालमा उपचार भइरहेको छ । भने बाँकीको राजीपुरमा रहेको बडीमालिका पोलिकिल्निकमा उपचार भैरहेको ईलाका प्रहरी कार्यालय चौमालाले बताएको छ ।
प्रहरी हवल्दार डिल्लीप्रसाद आर्चायका अनुसार बसको अगाडिको टायर पन्चर भएपछि बस अनियन्त्रित भएको थियो ।