मोहना नदीमा एक जना बेपत्ता

धनगढी । धनगढी उपमहानगरपालिका वडा नम्बर १९ मा मोहना नदीमा मंगलबार एक जना बेपत्ता भएका छन् ।
धनगढी उपमहानगरपालिका १९ का कृष्ण ओली मोहना नदीमा वेपत्ता भएको बताइएको छ । प्रहरीले नदी किनारामा उनको कपडा फेला पारेको छ ।
मंगलबार बिहान उनी बेपत्ता भएको बताइन्छ । बेपत्ता भएका कृष्ण तथा अनुसन्धान विभागका हवल्दार विनोद जोशी र स्थानीय प्रकाश खत्रीसँगै रहेको बताइन्छ ।
अनुसन्धान विभागका हवल्दार विनोदले नै कृष्ण मोहना नदीमा डुबेको खबर बहुलिया सीमा प्रहरी चौकी फूलवारीमा सूचना गरेका थिए ।
प्रहरीले उनको खोजी कार्य तीब्र पारेको जनाएको छ । अनुसन्धान विभागका हवल्दार विनोद र जोशी र स्थानीय प्रकाश खत्रीलाई थप अनुसन्धानका लागि प्रहरीले नियन्त्रणमा लिएको र बहुलिया सीमा प्रहरी चौकी फूलवारीले जनाएको छ ।