धनगढी ब्लुज क्रिकेट टीम पीपीएलमा

धनगढी । एक्सपर्ट धनगढी ब्लुज क्रिकेट टीम शुक्रबारदेखि शुरु भएको पोखरा प्रिमियर लिग (पिपिएल) मा सहभागी भएको छ ।
धनगढी ब्लुजको प्रायोजक एक्सपर्ट एजुकेशन एण्ड भिसा सर्भिसेजले शुक्रबार धनगढीमा आयोजना गरेको पत्रकार सम्मेलनमा टीमले लिगमा पाँच वटा टिमसँग प्रतिस्पर्धा गर्ने जानकारी दिइयो ।
एक्सपर्ट धनगढी ब्लुज टीमले पीपीएलको लीग चरणमा काठमाडौं रोयल, विराटनगर टाइटन्ट्स, चितवन राईनोज, बुटवल ब्लास्टर्स र पोखरा पल्टनसँग खेल्ने छ । लिग चरणको विजेताले प्रतियोगिताको अन्य चरणमा खेल्न पाउने जनाइएको छ ।
एक्सपर्ट एजुकेशन एण्ड भिसा सर्भिसेजका निर्देशक दीपेन्द्र चौधरीले टीममा सुदूरपश्चिमका क्रिकेट खेलाडी रहेको बताए । उनले टीममा दुई जना इंगल्याण्डका खेलाडी पनि समावेश गरिएको बताए ।
धनगढी ब्लुज टीमको कप्तान दीपेन्द्रसिंह ऐरी रहेका छन् । टीममा मञ्जित श्रेष्ठ, योगेन्द्रसिंह कार्की, सन्तोष भट्ट, रोविन क्षेत्री, सन्दीप सुनार, कमलसिंह ऐरी, दिलिप नाथ, सागर ढकाल, सन्दीप जोरा, निर्दोष अन्सारी, सौरभ खनाल, विक्रम ठगुन्ना, सन्दीप रजाली, सुबेन्धु पाण्डे र अरुणसिंह ऐरी रहेका छन् । भने विदेशी क्रिकेटरहरू ड्यान लरेन्स र पिटर डेभिड ट्रेगो अन्य सदस्य रहेका छन् । टीमका प्रशिक्षक मनोज कटवाल छन् भने टीमको कोच सञ्जिव शर्मा र बद्री अर्याल छन् । एजुकेशन अफ अष्ट्रेलियाले टीमलाई सहप्रायोजन गरेको जनाइएको छ ।