जेसिज सप्ताह समापन

बौनिया । बौनिया जेसिजद्वारा आयोजित जेसिज सप्ताह सोमबार बौनियामा समापन भएको छ ।
जेसिज सप्ताहका क्रममा जीवनशैली तथा नेतृत्व विकास सम्बन्धी तालिम, सहारा घरलाई सहयोग, सूचना बोर्ड निर्माण, दन्त शिविर, विद्यालय स्तरीय वक्तृत्वकला प्रतियोगिता, बिरामीलाई फलफूल वितरण तथा जेसिज शाखा भ्रमण कार्यक्रम भएको जनाइएको छ ।
समापन कार्यक्रममा बौनिया जेसिजका संस्थापक अध्यक्ष लीलाजंग शाही प्रमुख अतिथि रहेका थिए । समापन कार्यक्रम बौनिया जेसिजका अध्यक्ष जनक बिष्टको अध्यक्षतामा भएको थियो ।
बौयिा जेसिजका सचिव पदम ओझाले जेसिज पाठ गरेको कार्यक्रममा बौनिया युवा क्लवका अध्यक्ष प्रकाश साउदले शुभकामना मन्तव्य व्यक्त गरेका थिए । बौनिया जेसिजका महासचिव दिनेश भण्डारीले सञ्चालन गरेको कार्यक्रममा कार्यकारणी उपाध्यक्ष धिरज शाहीले स्वागत गरेका थिए ।