नेविसंघको आपत्ति– मेयरले एकलौटी रूपमा निर्णय गरिरहेका छन्

सुखड । नेपाल विद्यार्थी संघले कैलालीको घोडाघोडी नगरपालिका प्रमुखले सार्वजनिक महत्त्वका विषयमा एकलौटी ढंगले निर्णय गरिरहेको भन्दै आपत्ति जनाएको छ ।
नेविसंघको घोडाघोडी नगर समितिले नगर प्रमुख ममताप्रसाद चौधरीले शुरुदेखि नै महत्त्वपूर्ण निर्णयहरू आफूखुसी ढंगले गरिरहेको आरोप लगाएको छ ।
नेविसंघले आइतबार जारी गरेको विज्ञप्तिमा नगरप्रमुख चौधरीले शिक्षा क्षेत्रमा समेत दलगत राजनीति गर्न खोजेको आरोप लगाइएको छ । “पछिल्लो समय निकै चर्चामा रहेको विद्यालय समायोजन प्रक्रियामा पनि सरोकारवालाहरूसँग छलफल र बहस बिना नै एकलौटी रूपमा निर्णय गरिएको छ” नेविसंघ घोडाघोडी नगर कमिटी अध्यक्ष कलकजंग सिंहद्वारा हस्ताक्षर विज्ञप्तिमा भनिएको छ– “जनताको हित विपरित आफूखुसी ढंगले निर्णय गर्ने कार्य तत्काल सच्याइयोस् ।”