टिप्परको ठक्करवाट श्रीमतिको घटनास्थलमै मृत्यु, श्रीमान गम्भीर घाइते

धनगढी । कैलालीको धनगढीमा टिप्परको ठक्करबाट श्रीमतिको घटनास्थलमै मृत्यु भएको छ भने श्रीमान गम्भीर घाइते भएका छन् ।
टिप्परको ठक्करबाट मोटरसाईकलमा सवार धनगढी उपमहानगरपालिका–३, बोराडाँडीका ४९ वर्षीया पार्वती अवस्थीको घटनास्थलमै मृत्यु जिल्ला प्रहरी कार्यालय कैलालीले जनाएको छ ।
म १ प ३३८० नम्बरको मोटरसाईकललाई से १ प ८३८ नम्बरको टिप्परले ठक्कर दिएको थियो । मोटरसाईकल चालक ५२ वर्षीय हेमराज अवस्थी गम्भीर घाइते भएका छन् । उनको सेती अञ्चल अस्पतालमा उपचार भइरहेको छ । मोटरसाइकललाई ठक्कर दिने टिप्परका चालक कञ्चनपुरको कृष्णपुर नगरपालिकाका कपिल कँुवर र टिप्परलाई प्रहरीले नियन्त्रणमा लिएको जनाएको छ ।