लोकसेवा तयारी कक्षासम्बन्धी प्रशिक्षण

बौनिया । कैलालीको बौनियामा बुधबारबाट लोकसेवा आयोग तयारी कक्षा सञ्चालन सम्बन्धी प्रशिक्षण शुरु भएको छ । प्रशिक्षण कार्यक्रम एक महिनासम्म सञ्चालन हुने जनाइएको छ ।
कार्यक्रमको बुधबार एक समारोहबीच बर्दगोरिया गाउँपालिका अध्यक्ष बलिराम चौधरीले उद्घाटन गरे ।
बर्दगोरिया गाउँपालिका वडा नम्बर ५ को लक्षित समूह कार्यक्रमको बजेटबाट सो कक्षा सञ्चालन गरिएको हो ।
उद्घाटन कार्यक्रम वडा नम्बर ५ का अध्यक्ष श्यामकुमारी चौधरीको अध्यक्षतामा भएको थियो । प्रशिक्षण कार्यक्रममा वडा नम्बर ५ का ३५ जनाको सहभागिता रहेको छ ।
गाउँपालिकाका नायबसुब्बा गोविन्दराज रेग्मीले स्वागत गरेको कार्यक्रममा वसन्तमुरारी माविका प्रधानाध्यपक भूमिप्रकाश बम, सुशील शाही, लगायतले मन्तव्य व्यक्त गरेका थिए ।
उद्घाटन कार्यक्रमको वडा सचिव शेरबहादुर बडायकले संचालन गरेका थिए ।