सालका गोलियासहित दुई जना पक्राउ

धनगढी । कैलालीको ईलाका वन कार्यालय साडेपानीले सालको गोलीया सहित शुक्रबार दुई जनालाई पक्राउ गरेको छ ।
घोडाघोडी नगरपालिका वडा नम्बर ८ साडेपानीस्थित जरही राष्ट्रिय वनबाट गोलीया तस्करी गरिरहेको अवस्थामा से १ त ६६७२ नम्बरको ट्याक्टरसहित दुई जनालाई पक्राउ गरेको जनाइएको छ ।
इलाका वन कार्यालयका सहायक वन अधिकृत चन्द्रकान्त मिश्रले अवैध गोलियासहित ट्याक्टर चालक चक्र विक र अनिल चौधरीलाई पक्राउ गरेको बताए ।
वनपाले रामसिंह धामीले वनभित्र गस्ती गरिरहेको अवस्थामा सो ट्याक्टरसहित पाँच थान सालका गोलियाहरू बरामद गरेका थिए ।
सहायक वन अधिकृत मिश्रका अनुसार सो सालका गोलियाको परिमाण २४ दशमलव २१ क्यूफिट रहेको छ ।
उनले पक्राउ परेका व्यक्तिहरूलाई जिल्ला पठाइएको र आइतबार जिल्ला अदालत कैलालीमा मुद्दा दर्ता गरिने बताए ।