ऐश्वर्य विद्या निकेतन सम्मानित

धनगढी । प्रदेश नम्बर ७ कै अग्रणी विद्यालयका रूपमा स्थापित ऐश्वर्य विद्या निकेतन सम्मानित भएको छ ।
काठमाडौंस्थित नेशनल स्कूल अफ साइन्स (निष्ट) को रजत महोत्सवका अवसरमा बिहीबार आयोजित भए भव्य कार्यक्रममा नेपालका प्रथम राष्ट्रपति डाक्टर रामवरण यादवले ऐश्वर्य विद्या निकेतनका प्राचार्य धर्मदेव भट्टलाई सम्मानपत्र प्रदान गरे ।
ऐश्वर्य विद्या निकेतनले शिक्षाको क्षेत्रमा पुर्‍याएको उच्च योगदानको कदर गर्दै सम्मान गरिएको निष्टका संस्थापक प्राचार्य डाक्टर माधवप्रसाद बरालले बताए ।
सम्मानपत्र ग्रहणपछि प्राचार्य भट्टले निष्टले गरेको सम्मानले आफूलाई अझ बढी जिम्मेवार बनाएको बताए ।
‘यस क्षेत्रकै अग्रणी विद्यालय ऐश्वर्यलाई गरिएको यो सम्मानले मलाई यस क्षेत्रका आम अभिभावक र विद्यार्थीप्रति अझ जिम्मेवारी बोध भएको छ’ अनुमोदनसँगको संक्षिप्त कुराकानीमा प्राचार्य भट्टले भने– ‘यो सम्मान प्रदान गरेकोमा म विद्यालय, शिक्षक, विद्यार्थी र अभिभावकका तर्फबाट निष्टको उज्ज्वल भविष्यको कामना सहित हार्दिक आभार व्यक्त गर्दछु ।’