सन्तनिरंकारीद्वारा नगर सरसफाई

धनगढी । सन्त निरंकारी मण्डल नेपाल सत्संग भवन धनगढीले शनिबार धनगढी उपमहानगरपालिका कार्यालय अगाडि तथा वनदेवी मन्दिर वपिर सरसफाई गरेको छ ।
सन्त निरंकारी मण्डलले शनिबार बिहान झाडु, बेल्चा र व्यानरसहित बजार सरसफाई अभियानका क्रममा सो स्थानमा सरसफाई गरेको थियो ।
बजारमा जम्मा भएको फोहरले दुर्गन्ध फैलाउन सक्ने अवस्था भएको र गर्मी सिजन पनि सुरु हुन थालेकोले कुनै किसिमको बिमारी उत्पन्न नहोस् भन्ने उद्देश्यले आफूहरूको टोलीले बजार सरसफाई गरेको क्षेत्रीय शाखा प्रमुख नरबहादुर बटालाले बताए ।
उनले विश्व बचाउ बिरुवा रोपौं भन्ने सन्देश भएको बताए । प्रदूषणले मानिसलाई नोक्सानी गर्ने भएको बताउँदै उनले नगर क्षेत्रमा भएको फोहोरलाई सफा गरिएको बताए ।
उता, डोटीको दीपायल पिपल्ला बजारमा सन्त निरंकारी मण्डलको टोलीले सरसफाई गरेको छ ।
गर्मी मौसम शुरु भएकाले बजार सरसफाई गरेको शाखा प्रमुख कैलास बागचनले बताए ।