घोडाघोडी मेयर कपको उपाधी सहारा क्लवले जित्यो

सुखड । कैलालीको घोडाघोडी नगरपालिकामा सञ्चालित महालक्ष्मी घोडाघोडी मेयर कप फुटवल प्रतियोगिताको उपाधाी सहारा क्लव ‘ए’, पहलमानपुरले जितेको छ ।
आइतबार भएको फाइनल खेलमा सहारा ए ले घोडाघोडी क्लव ‘ए’ सुखडलाई १–० ले हराएको थियो । सहाराका जीवन चौधरीले निर्णायक गोल गरेका थिए ।
घोडाघोडी नगरपालिको आर्थिक सहयोग, नगर खेलकुद विकास समितिको संमन्वय तथा घोडाघोडी क्लवको गत १४ देखि सो कप शुरु भएको थियो ।
प्रतियोगिताको विजेता सहारा ए ले ५१ हजार एक सय ५१ रुपैयाँ तथा उपविजेता घोडाघोडी ए ले २१ हजार एक सय २१ रुपैयाँ पुरस्कार प्राप्त गरे ।