छैठौ क्यास्पियन कप शुरु

धनगढी । धनगढीमा शुक्रबारदेखि छैठौं क्यास्पियन कप क्रिकेट शुरु भएको छ । क्यास्पियन एकेडेमी धनगढीको आयोजनामा भइरहेको प्रतियोगिताको विद्यालयका प्रिन्सिपल अनील मिश्रले ब्याटिङ तथा कोर्डिनेटर तपराज विनाडीले बलिङ गरेर उद्घाटन गरे ।
उद्घाटनका दिन भएका खेलमा ऐश्वर्य विद्या निकेतन, शारदा उच्च माध्यामिक विद्यालय, ज्ञान निकेतन तथा एक्सिस विद्याश्रम विजयी भएका छन् ।
पहिलो खेलमा ऐश्वर्य विद्या निकेतनले मयुर बोर्डिङ स्कललाई १७ रनले पराजित गर्‍यो । टस जितेर व्याटिङ गरेको ऐश्वर्यले निर्धारित १० ओभरमा ५८ रन बनाएको थियो । प्रतिउत्तरमा मयूर बोर्डिङले ४१ रनमात्र बनाउन सक्यो ।
त्यस्तै अर्को खेलमा शारदा उमाविले र लिटिल फ्लावर स्कुललाई १७ रनले पराजित गरेको छ ।
टस जितेर लिटलले फिल्डिङ रोजेपछि व्याटिङ गरेको शारदा विद्या निकेतनले निर्धारित १० ओभरमा ५४ रन बनाएको थियो । लिटिल फ्लावर भने ३७ रनमा समेटियो ।
तेस्रो खेलमा ज्ञान निकेतनले ज्योति इंगलिस स्कुललाई ५५ रनले हरायो । भने चौथो खेलमा एक्सिसले पञ्चोदय उच्च माध्यामिक विद्यालयलाई पराजित गरेको थियो ।
प्रतियोगिताको विजेताले २५ हजार तथा उपविजेताले १५ हजार रुपैयाँ पुरस्कार प्राप्त गर्ने कोर्डिनेटर विनाडीले जानकारी दिए ।