७ श्रावण २०८१, सोमबार

दोहोरो कर असुली विरुद्ध जिविस घेराउ



धनगढी । कैलालीका तरकारी तथा फलफूल व्यवसायीहरूले धनगढीमा आज जिल्ला विकास समिति घेराउ गरेका छन् । जिविस कैलालीले एउटै वस्तुमा दोहोरो कर असुली नरोकेको भन्दैै किसान, तरकारी तथा फलफूल व्यवसायीहरूले विरोध गरेका हुन् ।
दोहारो कर खारेजको माग गर्दै आइतबार धनगढीमा विरोध ¥याली निकालेका थिए । ¥याली सब्जीमण्डीबाट नैनीदेवी मन्दिर हुँदै हाटबजार पुगी कोण सभामा परिणत भएको थियो ।
फलफूल तथा तरकारी व्यवसायी संघ कैलाली अध्यक्ष हरिदत्त भट्टले पटक–पटक सरोकारवाला निकायलाई जानकारी गराउँदा समेत मागको कुनै सुनुवाई नभएको भन्दै चरणबद्ध रूपबाट आन्दोलन गरेको बताए । दोहोरो कर प्रणाली पूर्ण रूपमा खारेज नगरिदासम्म विरोधका कार्र्यक्रमहरू जारी राख्ने उनको भनाई छ ।
दोहोरो कर प्रणालीको खारेजीको माग गर्दै पुस ४ गते विभिन्न ११ वटा सरोकारवाला निकायहरूलाई ज्ञापनपत्र बुझाइएको भएपनि कुनै पनि निकायबाट केही सहयोग नभएको व्यवसायी खगेन्द्रराज जोशीले बताए ।
कानूनमा जिल्लामा उत्पादित कृषि उपजहरूको निकासी कर एक प्रतिशत नबढाई पाउने भएपनि जिविसले ठाउँठाउँबाट १५ प्रतिशतसम्म कर लिने गरेको उनले गुनासो गरे ।
जिल्ला विकास समितिले कैलाली जिल्लाको चिसापानी, तेघरी तथा त्रिनगर नाकामा कर उठाउने गरेको संघर्ष समिति संयोजक नन्दराज भट्टले बताए । उनले भने– देशका अन्य भागबाट कृषि उपज कैलालीमा भिœयाउँदा चिसापानीमा जिल्ला विकास समितिले आयात कर लिन्छ त्यही वस्तु पहाड पठाउँदा कैलाली जिविसले तेघरीमा निर्यात कर उठाउँछ ।’

प्रतिक्रिया दिनुहोस्
विशेष समाचार