कर्मचारीमाथि कुटपिट गरेको आरोपमा तीन पक्राउ

अछाम । अछामको कमलबजार नगरपालिकाका कर्मचारीलाई कुटपिट गरेको आरोपमा प्रहरीले तीन जनालाई नियन्त्रणमा लिएको छ ।

मंगलबार राति अछामको कमलवजार नगरपालिकाका स्थानीय तपमान विष्ट, मदन बिष्ट र दिनेश बिष्टलाई नगरपालिकाका ईन्जिनियर नरेश न्यौपानेमाथि कुटपिट गरेको आरोपमा पक्राउ गरिएको जिल्ला प्रहरी कार्यालय प्रमुख योगेन्द्र सिंह थापाले बताए ।
यसैबीच, स्थानीय तह कर्मचारी हकहित मञ्च रामारोशनले दोषीमाथि कारबाहीको माग गरेको छ । मञ्चका अध्यक्ष रामबहादुर भण्डारीद्वारा जारी विज्ञप्तिमा इन्जिनियर न्यौपानेमाथि भएको आक्रमणमा संलग्न दोषिहरुलाई कारबाहीको दायरामा ल्याउन माग गरिएको छ ।