गोदावरी राजधानी कप हुँदै

धनगढी । कैलालीको अत्तरियामा गोदावरी राजधानी कप फुटवल प्रतियोगिता आयोजना हुने भएको छ ।

पिएफए अत्तरियाको आयोजनामा आगामी जेठ १८ गतेदेखि प्रतियोगिता हुने जनाइएको छ । आयोजकले बिहीबार अत्तरियामा आयोजना गरेको पत्रकार सम्मेलनमा प्रतियोगितामा देशभरका १६ टीमको सहभागिता रहने जानकारी दिइयो ।
पत्रकार सम्मेलनमा आयोक पिएफए अत्तरियाका अध्यक्ष योगेश भट्टले प्रतियोगिताको विजेताले चार लाख तथा उपविजेताले दुई लाख रुपैया पुरस्कार प्राप्त गर्ने बताए । त्यस्तै, प्रतियोगिताको उत्कृष्ट खेलाडीले २५ हजार तथा उत्कृष्ट गोलकिपर, डिफेन्डर, स्टाइकर, सर्वाधिक गोलकर्ता र उदयमान खेलाडीले १५÷१५ हजार रुपैया पुरस्कार प्राप्त गर्नेछन् ।
त्यस्तै, प्रतियोगीताका प्रत्येक खेलको म्यान अफ द म्याचले तीन हजार रुपैया पुरस्कार पाउने छन् ।
प्रतियोगिता सञ्चालनमा ३८ लाख रुपैया खर्च हुने अनुमान गरिएको छ ।