वडा कार्यालय भवन शिलन्यास
धनगढी । धनगढी उपमहानगरपालिका वडा नम्बर ९ मा सोमबार वडा कार्यालय भवन शिलन्यास भएको छ ।
सोमबार एक संक्षिप्त कार्यक्रमबीच धनगढी उपमहानगरपालिकाका उपप्रमुख सुशीला मिश्र भट्टले वडा कार्यालय भवनको शिलन्यास गरिन् । वडाको खल्यानचौरमा वडा कार्यालय भवन निर्माण हुदैछ ।
भवन शिलन्यास कार्यक्रममा उपप्रमुख भट्टले सबै वडामा कार्यालय भवन निर्माण गर्ने क्रम अघि बढाइएको बताइन् ।
कार्यक्रममा वडा नम्बर ९ का अध्यक्ष प्रेमराज भण्डारीले वडाको आफ्नै कार्यालय भवन निर्माणले सेवा प्रवाहमा सहज हुने बताए ।
उमहानगरपालिकाका ईन्जीनियर कमल ओझाका अनुसार ८२ लाख रुपैयाको लागतमा सो सात कोठे भवन निर्माण हुदैछ ।
