ट्याक्टरको ठक्करबाट एकको मृत्यु

कञ्चनपुर । महाकाली नदीबाट ढुङ्गा, बालुवा बोकेर आएको से १ त ३६५० नम्बरको ट्याक्टरले किच्दा एक युवकको घटनास्थलमै मृत्यु भएको छ । मंगलबार बिहान कञ्चनपुरको भीमदत्त नगरपालिका वडा नम्बर १२ ऐरीघाट क्षेत्रमा ट्याक्टरले किच्दा सोही गाउका ४० वर्षीय दिनेश तिरुवाको मृत्यु भएको प्रहरीले जनाएको छ ।
जिल्ला प्रहरी कार्यालय कञ्चनपुरका प्रवक्ता प्रहरी निरीक्षक नेत्रबहादुर बोहराले तिरुवाको मृत्युको पुष्टि गरेका छन् । उनका अनुसार कृष्णपुर नगरपालिका–२ वाणिको ४० वर्षीय चालक कासिराम खुना र ट्याक्टर प्रहरी नियन्त्रणमा छन् ।