सम्पादकीय : असहिष्णु राजनीतिको पुनरावृत्ति

यतिवेला संघीय संसद अवरुद्ध भइरहेको छ । प्रमुख प्रतिपक्षी दल नेपाली काँग्रेसले सञ्चालन गरेको दोस्रो चरणको राष्ट्रिय जागरण अभियानका क्रममा गत साता बा“केको खजुराहमा सत्तारुढ नेकपाका तर्फबाट निर्वाचित वडाध्यक्षको नेतृत्वको एक समुहले का“ग्रेसको जागरण सभामा आक्रमण गरेको घटनाको विरोधमा संसद अवरुद्ध पारिएको छ । आक्रमणबाट का“ग्रेस बा“केका सभापति सहितका नेता कार्यकर्ता घाइते भएका थिए । घटनाको विरोधमा का“ग्रेसले लगातार संसद अवरुद्ध गरिरहेको छ । सोमबार संसद सुचारु गर्न सहमत भएको का“ग्रेसले सत्तारुढ दलका सांसदले संसदमा दिएको एउटा अभिव्यक्तिपछि पुनः संसद अवरुद्ध गरेका अवस्था छ । संसद अवरुद्ध गर्ने, प्रतिपक्षले संसदमा आफ्नो विरोध व्यक्त गर्न पाउने संसदीय परम्परा हुन् । विगतमा पनि यस्ता घटना कैयौं पटक भइसकेका छन् । सरकारबाट भएगरेका कुनै निर्णय वा कामकारबाहीप्रति असहमति राख्न पाउने प्रतिपक्षलाई अधिकार हुन्छ । त्यसैले अहिले संसदमा भइरहेको अवरोध अनौठो हुदै हाइन । तर, सवाल संसद अवरुद्ध भएकोमा होइन, सवाल पुनः एक पटक मुलुकमा असहिष्णु राजनीतिकोृ पुनरावृत्ति हुदै गएकोमा हो ।
गत निर्वाचनमा तत्कालीन नेकपा एमाले र माओवादी केन्द्रको चुनावी एकतापछि दुई तिहाई बहुमतका साथ सरकार गठन भएको छ । चुनावपछि दुई पार्टीबीच एकता भएर नेपाल कम्युनिष्ट पार्टी बनेको छ । पछिल्लो चुनावमा नेपाली का“ग्रेसको अवस्था निकै कमजोर रह्यो । संसदमा नेकपाको दुई तिहाई बहुमत रहेका कारण वर्तमान सरकारले पा“च वर्षसम्म निष्कंटक शासन चलाउन कुनै बाधा अवरोध बेहोर्नुपर्ने अवस्था छैन । तर, पनि किन नेकपा प्रतिपक्षी दलहरूप्रति यति बिघ्न असहिष्णु बनेको छ भन्ने प्रश्न उठेको छ । आफ्नै आन्तरिक समस्याबाट ग्रस्त प्रमुख प्रतिपक्षी दल का“ग्रेसले दोस्रो चरणको राष्ट्रिय जागरण अभियान सञ्चालन गर्दा दुई तिहाई बहुमतको नेकपाको वर्तमान सरकारलाई के कस्तो अफ्ठेरो प¥यो ? भन्ने सवाल उठेको छ, बा“के खजुराह आक्रमण प्रकरणबाट । कुनै पनि दलको बढि उपस्थिति रहेको अथवा मतका दृष्टिकोणबाट बलियो भएको क्षेृत्रमा अरु दलले कार्यक्रम गर्नै नपाउने भन्ने आग्रह गरिन थालियो भने त्यसले प्रकारान्तरले दलहरूबीच अनावश्यक तिक्तता र टकरावको स्थिति बढाउदै जानेमा विमति रहदैन । संविधान तथा लोकतान्त्रिक पद्धतिमा हरेक दल तथा संस्था वा व्यक्तिले जहा पनि शान्तिपूर्ण रुपमा सभासमारोह गर्न पाउने अधिकार सुनिश्चित हुन्छ । तर, बा“के खजुराहमा का“ग्रेसका जिल्ला सभापति नै उपस्थित रहेको कार्यक्रममा वडाध्यक्षको नेतृत्वमा नै सांघातिक आक्रमण हुनु संविधान तथा लोकतान्त्रिक मुल्यमान्यतालाई नै लत्याउने दुस्प्रयास हो भन्ने विश्लेषण गलत हुदैन ।
लामो समयसम्मको राजनीतिक द्वन्द्व, अस्थिरता र अन्योलपछि बल्ल नेपालमा राजनीतिक स्थिरता आएको विश्वास गरिएको छ । तीन तहका सरकारहरू सञ्चालनमा छन् । संविधान पूर्ण कार्यान्वयनको चरणमा छ । राजनीतिक स्थिरतासंगै मुलुकको नवनिर्माण तथा समृद्धिको यात्रा अघि बढेको पटकपटक दोहो¥याइएको छ । तर, अझैं पनि दलहरूबीच स्वच्छ प्रतिपस्र्धाको ठाउ“मा एकले अर्कालाई निषेध गर्ने नितान्त गलत संस्कारले निरन्तरता पाइरहेको अवस्था छ । राजनीतिक नेतृत्वले बोध गर्नु पर्दछ– कुनै एउटा निर्वाचनमा पाएको मत सधैंका लागि प्राप्त भएको होइन ।