टेंढी सिंचाईं जल उपभोक्ताको साधारण सभा

धनगढी । टेंढी सिंचाईं योजना जल उपभोक्ता संस्थाको मंगलबार कैलारी गाउँपालिका वडा नम्बर ८, मा पाँचौ वार्षिक साधारण सभा भएको छ । साधारण सभाको सुदूरपश्चिम प्रदेश सभा सदस्य वीरमान चौधरीले एक कार्यक्रमबीच उद्घाटन गरेका थिए ।
साधारण सभा संस्थाका अध्यक्ष ओमकार महतोको अध्यक्षतामा भएको थियो । सो अवसरमा सिंचाई डिभिजन कार्यालय, धननगढीका प्रमुख कृष्णबहादुर खडियाल, संस्थाका कोषाध्यक्ष विन्द्रादेवी चौधरी, टेंढी गाउँका भल्मन्सा बाँधुराम चौधरी, पलिया विसनपुरका भलमन्सा मानबहादुर चौधरी लगायतले मन्तव्य व्यक्त गरेका थिए ।
साधारण सभामा संस्थाका सचिव रमेश घिमिरेले गत आर्थिक वर्ष २०७४÷०७५ को २७ लाख ७१ हजार पाँच सय ४९ रुपैयाँको आयव्यय प्रस्तुत गरेका थिए । संस्थाका उपाध्यक्ष बसन्त चौधरीले स्वागत गरेको कार्यक्रमको सञ्चालन सदस्य कृष्णप्रसाद चौधरीले गरेका थिए । टेंढी सिंचाई योजनाबाट कैलारी गाउँपालिकाका २६ गाउँ लाभान्वित रहेका छन् ।