महिला राष्ट्रिय क्रिकेट हुने

धनगढी । धनगढीमा प्रधानमन्त्री कप महिला राष्ट्रिय क्रिकेट प्रतियोगिता हुने भएको छ । आगामी ९ देखि १४ गतेसम्म धनगढीमा प्रतियोगिता सञ्चालन हुने मंगलबार आयोजित पत्रकार सम्मेलनमा जानकारी दिइयो ।
पहिलो पटक धनगढीमा आयोजना हुने महिला राष्ट्रिय क्रिकेट प्रतियोगितामा ६ टिमको सहभागिता हुने प्रतियोगिताका संयोजक बाबुराजा श्रेष्ठले जानकारी दिए ।
प्रतियोगिताको विजेताले पाँच लाख तथा उपविजेताले दुई लाख रुपैयाँ पुरस्कार प्राप्त गर्ने उनले बताए ,
त्यस्तै, वुमन अफ द सिरिजलाई १० हजार र अन्य चार विधाका उत्कृष्ट खेलाडीलाई जनही पाँँच हजार रुपैयाँ पुरस्कार प्रदान गरिने छ । प्रतियोगिता आयोजनाका लागी ३८ लाख ६३ हजार रुपैयाँ खर्च हुने जनाइएको छ ।
कैलाली जिल्ला खेलकुद विकास समितिको आयोजनामा हुने प्रतियोगिताकाका लागि अहिले मैदान तथा पिच निर्माण कार्य भइरहेको छ ।