वर्ल्डलिङकको शाखा विस्तार

धनगढी । वर्ल्डलिङ कम्यूनिकेशन प्रालिले कैलालीको टीकापुरमा शाखा विस्तार गरेको छ । सोमबार ५२ औं शाखाको रुपमा टीकापुर शाखाको उद्घाटन गरियो ।
यसअघि टीकापुर क्षेत्रमा वायरलेस सेवा प्रदान गर्दै आईरहेको वर्ल्डलिङले अबदेखि फाईवर मार्फत सेवा विस्तार गर्ने प्रालिका क्षेत्रीय प्रबन्धक कर्णराज पनेरुले जानकारी दिए ।
७ नम्बर प्रदेशमा धनगढी, महेन्द्रनगर पछिको तेस्रो शाखाको रुपमा टीकापुरलाई विस्तार गरिएको पनि प्रबन्धक पनेरुले जानकारी दिए ।
फाईवर प्रणालीबाट टिभी टेलिभीजन समेत चलाउन सकिने र आगामी दिनमा कैलालीको अत्तरीया, लम्की र कञ्चनपुरको झलारीमा पनि शाखा विस्तार गरिने उनले जानकारी दिए ।