कसले तोड्यो श्रद्धा कपुरको दिल ?

गत वर्ष बलिउड अभिनेत्री श्रद्धा कपुर र निर्देशक फरहान अख्तरबीचको अफेयर चर्चा उत्कर्षमा थियो । फरहानले आफ्नी श्रीमतीसँग डिभोर्स गर्नुमा श्रद्धासँगको प्रेमलाई नै मुख्य कारक मानिएको थियो ।
फरहान र श्रद्धा लिभ इनमा बस्न थालेको र श्रद्धाका बाबु शक्ति कपुरले छोरीलाई जबरजस्ति घर फर्काएको समाचारसमेत मिडियामा आए । तर, यस विषयमा श्रद्धाले कहिल्यै मुख खोलेकी छैनन् । न फरहानले केही बोलेका छन् ।
केही समयअघि श्रद्धाले आफ्नो इन्टाग्राममा अचानक फरहानालाई अनफलो गरिन् । यसबाट यी दुईबीचको सम्वन्ध तोडिएको आशंका गर्न थालियो । हालै एक पत्रकार सम्मेलनमा श्रद्धाले फरहानको नाम नलिइकन कसैले आफ्नो दिल तोडेको बताएकी छन् ।
‘विश्वास गरेको मान्छेले दिल तोडिँदिँदा सहन गाह्रो हुँदो रहेछ,’ उनले भनिन् ।
कसले तपाईंको दिल तोड्यो भन्ने पत्रकारको प्रश्नमा उनले ‘आफैं अनुमान गर्नुस’ भनेर टारिन् । यद्यपि, उक्त घटनापछि आफू धेरै दिन रोएको उनले बताइन् ।
फरहानसँग श्रद्धाले फिल्म ‘रक अन २’ मा काम गर्दा उनीहरुबीच प्रेम सुरु भएको हो । यसअघि उनी आदित्यकपुरसँग अफेयरमा थिइन् । आदित्यसँग श्रद्धाले ‘आशिकी २’ र ‘ओके जानु’ मा सँगै काम गरेकी थिइन् ।