अजय र काजोलको जोडी ७ वर्षपछि फिल्ममा फर्किदै
अजय देवगण र काजोलको जोडी ७ वर्षपछि फिल्ममा एकसाथ देखिने भएको छ । वास्तविक जीवनमा उनीहरु पति-पत्नी हुन् ।
समाचारअनुसार ९० को दशकमा बलिउडमा स्थापित बनेको यो जोडीलाई प्रदीप सरकारले आफ्नो आगामी फिल्मका लागि फाइनल गरेका छन् ।
अजय र काजोलले ७ वर्षअगाडि ‘टूनपुरका सुपरहिरो’ फिल्ममा काम गरेका थिए । यो फिल्म फ्लप भएपछि यो जोडीलाई कसैले दोहोर्याउन खोजेन ।
अजय र काजोलले १९९९ मा बिहे गरेका थिए र उनीरुका दुई बच्चा पनि छन् ।
‘प्यार तो होना ही था’, ‘दिल क्या करे’, ‘राजू चाचा’, ‘यू मी और हम’ जस्ता कयौं सुपरहिट फिल्म दिएका काजोल र अजयको आगामी फिल्मलाई लिएर निकै ठूलो उत्सुकता दर्शकमाझ रहेको छ ।
