डडेल्धुरा जीप दुर्घटनामा मर्नेकाे संख्या ४ पुग्याे
डडेल्धुरा । डडेल्धुराको गन्यापधुरा गाउँपालीका वडा नम्बर २ गजरौलामा आज जीप दुर्घटना हुँदा मृत्यु हुनेको संख्या ४ पुगेको छ । डोटीको दिपायलबाट कोहलपुरतर्फ गईरहेको से १ ज ३३० नम्बरको शैलेश्वरी यातायातको जीप दुर्घटनामा ८ घाईते भएका थिए ।
घाइतेमध्ये १ जनाको उपक्षेत्रीय अस्पताल डडेल्धुरा ल्याउने क्रममा बाटोमै मृत्यु भएपछि मृत्युकको संख्या ४ पुगेको जिल्ला प्रहरी कार्यालयका प्रहरी नायव उपरीक्षक चक्रराज जोशीले बताए । मृतक सबै जनाको सनाखत भएको छ ।
घटना स्थलमै मृत्यु हुनेमा जीप धनी दिपायल सिलगढी ४ का विनोदकुमार रावल, आर्दश गाउँपालिका ३ का वडा अध्यक्ष प्रेम बोहरा, आर्दश गाउँपालिकाकै लाल बोहरा र जानकी बोहरा रहेका छन् ।
जानकी बोहराको उपक्षेत्रीय अस्पताल उपचारका क्रममा मृत्यु भएको हो । घाईतेलाई उपचारको लागि उपक्षेत्रीय अस्पताल डडेल्धुरा लगिएको उनले बताए।
