८ जेष्ठ २०८१, मंगलवार

स्केटिङका अध्यक्ष खनाललाई राष्ट्रिय समाजसेवी सम्मान




काठमाडौ/ नेपाल स्केटिङ तथा स्केटबोर्डिङ संघका अध्यक्ष अच्युत खनाल ‘अग्लेश्वरी हिल्स जीवन्त राष्ट्रिय समाजसेवा सम्मान– २०८०’ बाट शनिबार सम्मानित भएका छन् ।

अग्लेश्वरी हिल्स विकास कोषले आयोजना गरेको दोश्रो जीवन्त नेपाल म्युजिक अवार्ड कार्यक्रममा सामाजिक अभियन्ताको रुपमा क्रियाशिल रहेर समाज सेवामा पुगाएको योगदानको कदर गर्दै खनाललाई सम्मान गरिएको हो ।

‘तपाईं लामो समयदेखि सामाजिक अभियन्ताको रुपमा क्रियाशिल हुनुहुन्छ । २०६५ सालदेखि समाजसेवामा सक्रिय रहँदै आउनु भएको छ । राकेडेफोन नामको संस्थाबाट समाज सेवाको यात्रा सुरु गर्नु भएको यहाँले त्यसपछि आफ्नै ‘एसीएमएन फ्रान्स’ नामको संस्था दर्ता गरेर नेपालमा अनाथ बालवालिकाहरुलाई पूर्ण छात्रवृत्तिसंगै पठन पाठनमा निरन्तर सहयोग गर्नुभयो । सामाजिक कार्यकै कारण तपाईंको संस्था समेत लोकप्रिय रहेको छ । यसरी यहाँ निरन्तर सामाजिक कार्य गरेर कुशल सामाजिक अभियान्ताको रुपमा परिचित हुनुहुन्छ । यस्तयहाँको सामाजिक कार्य प्रशंसनीय छ सम्मान पत्रमा भनिएको छ ।

यहाँको यहि योगदानको उच्च मूल्यांकन गर्दे यस अग्लेश्वरी हिल्स विकास कोषद्वारा आयोजित ‘दोश्रो जीवन्त नेपाल म्युजिक अवार्ड– २०८०’ को अवार्ड तथा सम्मान समारोहमा तपाईंलाई ‘अग्लेश्वरी हिल्स जीवन्त राष्ट्रिय समाज सेवा सम्मान– २०८०’ बाट सम्मानित गरिएको छ ।’– खनाललाई प्रदान गरिएको सम्मान पत्रमा उल्लेख छ ।

संस्कृति, पर्यटन तथा नागरिक उड्डयन राज्यमन्त्री सुशिला श्रीपाली, अग्लेश्वरी हिल्स विकास कोष तथा दोश्रो जीवन्त नेपाल म्युजिक अवार्डका अध्यक्ष सिजम सिंजाली र रामेछाप सांस्कृतिक कलाकार समाजका अध्यक्ष कुमार कार्कीले खनाललाई दोसल्ला र प्रशंसा पत्र प्रदान गरेर एक कार्यक्रमबीच सम्मान गरे ।

प्रतिक्रिया दिनुहोस्
विशेष समाचार