धनगढीमा असोज ८ गतेदेखि सुदूरपश्चिम राजधानी कप हुने
नवौं राष्टिय खेलकुदमा भाग लिने सात प्रदेशका टोलीहरुको सहभागीता रहने
धनगढी / धनगढीमा सुदूरपश्चिम राजधानी कप २०७९ हुने भएको छ । असोज ८ गतेदेखि १५ गतेसम्म धनगढीमा प्रतियोगिता हुने भएको हो ।
शनिबार धनगढीमा पत्रकार सम्मेलन गरी आयोजक पिएफए स्पोटर्स क्लबले प्रतियोगिता बारे जानकारी दिएको हो ।
प्रतियोगितामा नवौं राष्टिय खेलकुदमा भाग लिने सात प्रदेशका टोली र एक घरेलु टोली आठ टीमको सहभागीता रहने प्रतियोगिता संयोजक दिनेश श्रेष्ठले जानकारी दिनुभयो ।
प्रतियोगिताको विजेताले नगद पाँच लाख उपविजेताले नगद तीन लाख प्राप्त गर्नेछन् । विभिन्न विधाका उत्कृष्ट खेलाडीहरुले जनही १० हजार नगद पाउँदा उत्कृष्ट खेलाडीले नगद २० हजार प्राप्त गर्नेछ ।
प्रतियोगिताको मुख्य प्रवर्धकमा सुदूरपश्चिम खेलकुद परिषद् रहेको छ । यस्तै सह–प्रायोजकमा नेपाल टेलिकम र राष्ट्रिय खेलकुद परिषद् नेपाल रहको छ ।
हाम्रो गौरव सुदूरपश्चिम राजधानी कप मुख्य नारा लिएर प्रतियोगिताको सुरुवात गरेको आयोजकले जनाएको छ ।
यो प्रतियोगिताको चौथो संस्करण हो ।
