विवाईसी महिला गोल्डकप : आयोजक वनदेवी सेमिफाइनलमा प्रवेश
धनगढी / धनगढीमा जारी मुख्यमन्त्री विवाइसी महिला गोल्डकप फुटबल प्रतियोगितामा आयोजक वनदेवी युवा क्लव सेमिफाइनलमा पुगेको छ ।
मंगलबार धनगढी रंगशालामा भएको खेलमा बनदेवीले कालिका स्पोर्टस् एकेडेमीलाई २–० ले हराउँदै अन्तिम चारमा पुगेको हो ।
वनदेवीका चन्द्रा भण्डारीले दुबै गोल गरिन् । उनले खेलको छैठौ तथा ८९ औं मिनेटमा गोल गरेकी थिइन् ।
खेलमा उत्कृष्ट प्रदर्शन गरेकी चन्द्रा प्लेयर अफ दि म्याच बनिन् ।
प्रतियोगिताको आज बुधबार पहिलो सेमिफाईनल खेल हुनेछ । पहिलो सेमिफाईनल खेल एपिएफ र नेपाल आर्मी क्लवबीच हुने छ ।
