’जिल्लाको सुरक्षामा सुधार‘ (भिडियो र प्रहरीको वक्तव्यकाे पूर्णपाठ)

धनगढी । जिल्ला प्रहरी कार्यालय, कैलालीले जिल्लाको जिल्लाको सुरक्षा अवस्थामा सुधार अाएको दवी गरेको छ ।
बुधबार जिल्ला प्रहरी कार्यालयमा पत्रकार सम्मेलन अायाेजना गरी गत कार्तिक महिनादेखि माघ मसान्तसम्मको जिल्लाको सुरक्षा अवस्था र चुनौतीबारे सार्वजनिक गर्दे जिल्ला प्रहरी प्रमुख प्रहरी उपरीक्षाक अाभुषण तिमिल्सिनाले सुरक्षा अवस्थामा सुधार अाएको दावी गरेका हुन्।कार्यक्रममा चालू आर्थिक वर्ष २०७५÷०७६ को पहिलो छ महिनामा मुद्दा दर्ताको अवस्थाबारे पनि जारी दिइयो । जिल्ला प्रहरी कार्यालयका अनुसार कैलालीमा चालू आर्थिक वर्षको पहिलो छ महिनाको अवधिमा विभिन्न प्रकृतिका छ सय दुई मुद्दा दर्ता भएका छन् । प्रहरीले विभिन्न अपराधिक घटनामा सात सय २७ जना अभियुक्त पक्राउ गरेको जनाएको छ । भने ७८ जना फरार रहेका छन् । पक्राउ गरिएका अभियुक्त मध्ये एक सय २२ जना कारागार चलान भएका छन् भने पाँच सय ३६ जना धरौटीमा छुटेका छन् । त्यस्तै, ७२ जना अनुसन्धानका क्रममा रहेका छन् ।
जिल्ला प्रहरी कार्यालयका अनुसार यो अवधिमा कर्तव्य ज्यानका १३, ज्यान मार्ने उद्योगका १६ र आत्महत्याका तीन घटना दर्ता भएका छन् ।
त्यस्तै, यो अवधिमा जवरजस्ती करणीका ३३ र जवरजस्ती करणी उद्योगका २१ मुद्दा दर्ता भएका छन् ।
कैलालीमा हरेक वर्ष लागू औषध सेवन तथा ओसारपसारका मुद्दामा बृद्धि आइरहेको प्रहरी कार्यालयको तथ्यांकले देखाएको छ । जिल्ला प्रहरी कार्यालय, कैलालीमा गत आर्थिक वर्ष २०७४÷७५ मा लागू औषध सम्बन्धी ७१ मुद्दा दर्ता भएकोमा चालू आर्थिक वर्षको पहिलो छ महिनाको अवधिमा ५२ वटा मुद्दा दर्ता भइसकेका छन् ।
जिल्ला प्रहरी कार्यालयका अनुसार यो अवधिमा लागू औषध सम्बन्धी ५२ वटा घटनामा ७५ जनालाई अभियुक्तलाई पक्राउ गरिएको छ । भने एक किलो नौ सय ७७ ग्राम चरेश, ९६ ग्राम ६९ मिलिग्राम ब्राउन सुगर, ११ ग्राम छ मिलिग्राम सेतो सुगर, नाइट्रोभेट, स्पास्मोप्रोक्सोभिन समेत ३७ हजार पाँच सय ४४ ट्याब्लेट बरामद गरिएको छ ।
पत्रकार सम्मेलनमा कैलाली प्रहरी प्रमुख एसपी आभूषण तिमिल्सनाले यो अवधिमा भारतबाट अवैध रुपमा भित्राउने क्रममा कैलाली प्रहरीले दुई अर्ब ८० करोड ४५ लाख ९५ हजार रुपैया मूल्य बराबरको सामान बरामद गरि भन्सार कार्यालयमा बुझाएको जानकारी दिए ।
कैलालीमा चालू आर्थिक वर्षको पहिलो छ महिनाको अवधिमा २७ सवारी दुर्घटना भएको प्रहरीले जनाएको छ । त्यस्तै, प्रहरीले १५ हजार एक सय ३९ सवारी साधनलाई कारबाही गरि ९० लाख २९ हजार पाँच सय रुपैया राजश्व संकलन गरेको जनाएको छ ।
कैलाली प्रहरी प्रमुख (एसपी) तिमिल्सिनाले धनगढी बजारका मुख्य मुख्य चौकमा समेत सिसिटिभी जडान नभएका कारण अपराध नियन्त्रणमा चुनौती बढेको बताए ।

जिल्ला प्रहरी कार्यालय कैलालीबाट सम्पादन भएका कार्य बिबरण :-

१) मुख्य घटनामा सफल अनुसन्धान  तर्फ –

कर्तव्य ज्यान

• मिति २०७५।०७।३० गते जि कै ध उ म न पा ४ स्थित ऐ ऐ बस्ने बिजय थापालाई कुटपिट गरी कर्तव्य ज्यान मुद्दाका प्रतिवादी ऐ ऐ बस्ने आशिस सेटी पक्राउ गरी पुर्पक्षका लागी कारागार ।
• मिति २०७५।१०।०५ गते १८:०० बजेको समयमा जिल्ला कैलाली गोदावरी नगरपालीका वडा नम्बर २ पुर्व रोड बसन्तपुर टोल स्थित सुदुर पश्चिम प्रादेशिक महोत्सव २०७५ हेरी घर तर्फ फर्किने क्रममा जि.कैलाली गोदवारी न.न.पा २ बस्ने बिनोद ऐर् समेतले जि कै गो.न.पा १ बस्ने बर्ष २०को अरुण भट्टलाई धारिलो हतियार प्रयोग गरी हत्या गरी फरार रहेका अभियुक्तहरु मध्ये मुख्य अभियुक्त बिनोद ऐर, प्रमेश मगर, बिरेन्द्र शाह, राजु कडायत र सहयोगी ऐ. ध उ म न पा ३ बोराडाडी बस्ने बर्ष २२ को डेबिट सिंह ऐर, ऐ. ऐ १३ बस्ने  बर्ष २१ को लोकेश खत्री, ऐ. भजनी न पा २ घर भई हाल ध उ म न पा २ बस्ने बर्ष २१ कि मन्जु चौधरी (खडका), पक्राउ गरी सम्मानित अदालतबाट मन्जु चौधरी, डेबिट ऐर पुर्पक्ष कारागार, राजु कडायत, बिनोद ऐर, बिरेन्द्र शाह, लोकेश खत्री बाल सुधार गृह डोटी र प्रवेश मगर आफन्तको जिम्मा ।
• मिति २०७५।८।३ गते रातीको समयमा बर्ष २२ कि निर्मला साउंद झुण्डी मृत अवस्थामा फेला परेको घटनामा प्रतिबादी लाल बहादु साउंद समेत २ जनालाई पक्राउ गरी

सम्मानित अदालतबाट पुर्पक्षका लागी कारागार ।

• मिति २०७५।७।२० गते जिल्ला कैलाली धनगढी १९ बस्ने कृष्ण बहादुर ओली पानीमा डुबी मृत अवस्थामा फेला परेको घटनामा प्रकाश खत्री समेत २ जनालाई पक्राउ गरीएको ।

जबरजस्ती करणी :-

• मिति २०७५।८।१३ गते बोल्न नसक्ने हिडडुल गर्न नसक्ने अपाङ्ग अवस्थाकी महिलामाथी जबरजस्ती करणी उद्योगमा ऐ. कैलारी ४ बस्ने बर्ष २० को श्याम लुहारलाई पक्राउ गरी प्रतिवादी पुर्पक्षका लागी कारागार ।
• मिति २०७५।७।२४ गते धनगढी ४ उत्तरबेहडी बस्ने बर्ष ६७ को स्पन्दन राईलाई ५ बर्ष कि नाबालिका माथि जबरजस्ती करणी गरेको अभियोगमा पक्राउ गरी पुर्पक्षका लागी कारागार ।
• मिति २०७५।७।१० गते गौरीगंगा ७ बस्ने बर्ष ४८ को योगेन्द्र ताडीलाई जबरजस्ती करणी मुद्दामा पक्राउ गरी पुर्पक्षका लागी कारागार ।
• मिति २०७५।०९।१० गते परिवर्तित नाम ७१ धनगढी ६४ लाई जिल्ला कैलाली धनगढी उपमहानगरपालीका १ बस्ने बर्ष २० को तुसार चौधरीले जबरजस्ती करणी गरी अश्लिल भिडियो YOU Tube  मा राखी फरार प्रतिवादी तुसार चौधरीलाई मिति २०७५।११।१४ गते पक्राउ गरी थप अनुसन्धान भई रहेको ।

          अपहरण सम्बन्धि:-

• मिति २०७५।०८।२० गते प्रतिबादी प्रकाश भाटले जिल्ला बैतडी पुरचौडी नगरपालिका वडा नं. ४ घर भई जि. कैलाली धनगढी २ बस्ने बर्ष २१ को सन्तोष कुमार भट्टलाई अपहरण गरी शरिर बन्धक बनाएको घटनामा प्रतिवादी धरौटी तारेखमा छुटेको ।
• जि कै ध उ म न पा ४ स्थित जलसा होटलबाट ऐ गो.न.पा ९ बस्ने बर्ष १७ को बसन्त भाटलाई जि डोटी पुर्वीचौकी गा पा २ घर भई जलसा होटलमा काम गर्ने चक्र खडका, जि कै ध उ म न पा २ बस्ने कुन्दन जोशी, ऐ ऐ बस्ने हर्केश बागले पिडितलाई कुटपिट गर्दै अपहरण गरी मोहना जंगल किनारा लगेको अवस्थामा २० मिनटमा पिडित बसन्त भाटलाई सकुसल उद्दार गरी ३ जना अभियुक्त पक्राउ गरी सम्मानित कैलाली जिल्ला अदालतबाट पक्राउ प्रतिवादी पुर्पक्षका लागी कारागार ।

      मानव बेचविखन :-

• मिति २०७५।०८।२४ गते जि. कैलाली अत्तरीया २ स्थित प्रतिबादी दिपक बि.क.ले संचालन गरेको अछाम मार्कु होटलमा परिवर्तित नाम ७१ धनगढी (५१) लाई यौन ब्यवशायमा लगाएको अवस्थामा ३ जना पक्राउ गरी मानव बेच बिखन तथा ओसार पसार मुद्दा दर्ता गरी  सम्मानित कैलाली जिल्ला अदालतबाट प्रतिवादी धरौटी तारेखमा छुटेका ।
• मिति २०७५।८।१८ गते परिवर्तित नाम ७१ धनगढी (४९) लाई प्रतिबादी देबु दमाई समेतले भारत तर्फ लैजादै गरेको अवस्थामा माईती नेपाल संस्थाले रोकी प्रतिबादी देबु दमाई समेत ३ जनालाई पक्राउ गरी सम्मानित कैलाली जिल्ला अदालतबाट देवु दमाई पुर्पक्षका लागी कारागार र २ जना धरौटी तारेखमा छुटेका ।

२  फरार पक्राउ:-

जम्मा संख्या

फरार प्रतिवादी पक्राउ

३ भन्सार राजस्व संकलन तर्फ:-

४ आवश्यक कारबाहीको लागी भन्सार पठाईएको विवरण:-

५ ट्राफिक राजश्व संकलन तर्फ:-

६ लागु औषध कारबाही:-

७ अपराध तथ्याङक:-

८ आ.ब. ०७५।०७६ मा मुद्दा  दर्ता, फरार ,पक्राउ , धरौटीमा छुटेको ,कारागार गएको प्रतिवादीहरुको विवरण

९ सवारी दुर्घटना सम्बन्धमा –

१० आ.ब. ०७५।०७६ मा सार्वजनिक हित बिरुदको कसुरमा मुद्दा दर्ता विवरण

११आ ब ०७५।०७६ मा अवैध मधिरा नष्ट तथा कारबाही विवरण

१२ आ ब ०७५।०७६ मा काठ बरामद र वन्यजन्तु सम्बन्धी विवरण

१३ आ ब ०७५।०७६ मा कैलाली जिल्लामा सामुदाय प्रहरी साझेदारी कार्यक्रमहरु

१४आ ब ०७५।०७६ मा प्रहरी कर्मचारीलाई बिभागिय कारवाही तथा पुरुस्कृत विवरण

१५ सेवा ग्राहीको विवरण

१६ प्रहरी परिचालन तर्फ

• टाईगर टोली तथा सिभिल टोली मातहत समेतमा गठन गरि तत्काल घटनास्थल पुग्ने गरी परिचालित ।
• हाईवईमा रहेका सम्पुर्ण प्रहरी ईकाईबाट दिनमा २ पटक चेकिङ ।
• शहरी क्षेत्रमा चेक पईन्ट राखी दिनमा ३ पटक चेकिङ गर्ने
• तस्करी नियन्त्रणका लागी सिमा भन्सार गस्ती ११ स्थानबाट प्रहरी टोली परिचालन ।